منتديات أنصار الإمام المهدي ع

بين فاطمة بنت اسد ع وعلي ابن ابي طالب ص ليلة استشهاده

استعرض الموضوع السابق استعرض الموضوع التالي اذهب الى الأسفل

بين فاطمة بنت اسد ع وعلي ابن ابي طالب ص ليلة استشهاده

مُساهمة من طرف صقر الجنوب في السبت 20 سبتمبر 2008 - 11:32

بسم الله الرحمن الرحيم
اللهم صل على محمد وال محمد الائمة والمهديين
شعر منقول يصور فاطمة بنت اسد تخاطب امير المؤمنين صلى الله عليه واله في ليلة استشهاده:

الزمن انته زمانه
والمكان انته مكانه
يا علي يبني وانه امك
قلبي ما بطل حنانه
تعرف الام وقلبهه
تدري شلي قلبي عانه
يا علي رنت بروحي اجراسك
قبري واحساسي ويه احساسك
الكعبة انشقت لاول انفاسك
كم الف كعبة انشقت براسك
الله ...وشلون نتودع
والوجود انته كيانه
يا علي يبني وداعك
زلزل اركان الديانة
العدل يوم التمنه
ينوجد في الدنيه كانك
جيتك الليلة يا جبل يبني
وكأني من فوقك هالزمن ذبني
وجم و انه بقبري عليك امل ابني
دولبت دهرك ودهري دولبني
انه الماحد عرف وحدي
وشلي الشلته بجبدي
وجان الدنيه موجوعة
ترى كل الوجع عندي
ولوله اني متت قبلك
ولوله انك رحت بعدي
تواريخ الحزن كلهه
مشافت بالحزن قدي
انه المنسية على اللي بيه
انا العافوني
مجنك مني ومجني ابني
ونور عيوني
على احبابك يمر مصابك
ولا يذكروني
مجني جذورك ودماي بحورك
ودماك غصوني
انه يا ابو الحسن امك
اجيت امسح الك دمك
وقبل متضمك الغبرة
اجيت بحضني اضمك
علي وقبري الجمع جسمي
شهق كل منيته يلمك
ولوما الموت يفرقنه
تظل يمي واظل يمك
من اللي صابك على محرابك
عليك شبيدي
وكل ما روحك تون بروحي
اون يوليدي
حمام امالي لفه يالغالي
جناحه وريدي
يداوي راسك ويرد انفاسك
يسعدي وعيدي
ما اريد انه افنه بلياك
ردني اذوق الموت وياك
يسم الله الاعظم ابعثني
يا ابا الحسن انظر يتاماك
رد لو عين مني
يم الطبرة خلني
احسب يبني الاهات وابجيك
يالسمك الشافي
لو ردلك شفافي
بس اهمس الك همسة واحاجيك
وردلي مسامعي تسمعك
خيالي يغالي ما وعدك
يبني عليك الدمع مسفوح
قبل المصيبة كنت انه انوح
ويوم التخيلتك مطبر
للوالدة ما سكنت الروح
من يوم الذي راح
وانه قلبي نواح
تتوزع على موتي حياتي
ويوم الحان حينك جمع دهري بينك
جنهه توهه ميته امنياتي
نهاية يا ابا الحسن انته لي
ذهلتني مصيبتك يا علي
avatar
صقر الجنوب
انصاري
انصاري

عدد الرسائل : 374
نقاط : 0
السٌّمعَة : 0
تاريخ التسجيل : 18/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى